Die hulpwerkwoord in Tswana

Abstract

Daar het al heelwat bydraes in die Bantoetaalkundige literatuur oor hierdie onderwerp verskyn wat egter hier nie genoem sal word nie. Wat Tswana in die besonder betref, is daar veral Cole (1) en Swanepoel (2) se werk waaruit meestal deur Tswana-grammatici geput word. In hierdie kort bydrae sal slegs een enkele aspek aangeraak word, nl. ’n poging tot ’n klassifikasie van hulpwerkwoorde wat uit die aard van die saak ook nie in diepte behandel kan word nie. Verder is ook geen kritiese bespreking gegee van die bestaande bydraes oor hierdie onderwerp nie.