LIT Literator - Journal of Literary Criticism, Comparative Linguistics and Literary Studies 0258-2279 2219-8237 AOSIS LIT-39-1484 10.4102/lit.v39i2.1484 Litera Afskeid van Coller Hennie P. 1 Department of Afrikaans, Dutch, German and French, Faculty of Humanities, University of the Free State, South Africa Corresponding author: Hennie van Coller, vcollerh@ufs.ac.za 31072018 2018 39 2 1484 01022018 02052018 © 2018. The Authors 2018 Licensee: AOSIS. This work is licensed under the Creative Commons Attribution License. Afskeid Wat ons gehad het, was mooier as waarop ons kan hoop in dié lewe. Maar vir my moet die liefde knetter, vonke moet spat, spring soos in ’n smidswinkel woeps, hoog die lug in. Strooisels van sterre, vuurvliegies van ekstase. Koud het dit geraak, ál die hitte weggeëb. Weet jy, afskeid neem is ’n kuns, maar min mense beheers dit. Draai jou rug, stap weg, moet nooit terugkyk nie: uitgebrande as is onthutsend én bietjie treurig (‘sielig’ vat dit beter vas). Dit smeul byna nie meer nie. Vee dit netjies op ’n hopie, gooi dit in ’n Checkerssak, gooi dit in ’n vullisblik. Was jou hande. Bietjie doodgaan is nooit die einde van vuur nie. Leeglê Dit verg heelwat energie om jou batterye te laat leegloop. Baie talent moet jy hê om aardslui te wees; hope moed ook om te loer in die leegtes van letargie, ysere dissipline om agteloos tyd deur die vingers te laat glip. Ook oordag bly jy worstel met die ondraaglike drama van die ligtheid van lewe. Eintlik stoei jy met wat die wêreld skynbaar verwag. Daagliks word jy minder belangrik: wie lui is, kan moeilik presteer, word nooit volgens prestasie geëer. Onder jou vel leef die ander-ek treurig omdat selfs jý hom nie kan verdra nie. Wat kry jy as jy hard werk aan luiheid? Ure bestee aan leeglê studeer? Word daar iets gefluister van vryheid? Die losraak uit die vel strak gespan? Wat alles straks binnehou, maar tog ook (…) knel.

How to cite this article: Van Coller, H.P., 2018, ‘Afskeid’, Literator 39(2), a1484. https://doi.org/10.4102/lit.v39i2.1484